حنان شاهين
شاعرة من مصر
من ضلع أعوج أنا
وعشان كدا حسيت بروحي واخده شكل المنحنى
أول خطيئة في السما كانت أنا
أول بطولة عشتها كانت بطولة آثمة
أنا حواء تشبه أي آدم و روحي روح
تشبه طفولتها البريئة أي روح
أم كنت هامش في الحكاية المبهمة
وكأني في سيناريو الوجود سنيدة للنجم الوحيد في المسرحية المهزلة
يا ربنا أشكو إليك
ما قد جناه الحزن في حق البنفسج من وشاية ظالمة
ما اتلفت قطعانك الهوجاء من أعشاب روحي
وأنا روحي كانت مؤمنة
وحصان خيالي البكر كان..
في الأصل أسرع من شعاع الضي قبل ما يصيبه العمى
ومشيت افتش في الحكايات القديمة عن وجودي..
وأزرع أناي في المتون تطرح ظنون تبدر طريقي أسئلة
ودروب كتيرة مظلمة
أدخل حكاية القاني هامش انتهى منها لحكاية مؤلمة.
Leave a Reply