البطولة إنك تكمّل

حنان شاهين

مش بطولة إنك تعيش دور الضحية طول الوقت، البطولة إنك تفضل تقاوح مع الدنيا طول ما فيك نفس.
دي معركتك في الحياة.
ومش عيب أبدًا إنك تحب نفسك شوية، وصح جدًا إنك تعمل الحاجة اللي تفرحك وتريحك لو قدرت، ما دمت ما بتأذيش حد. ده أبسط حق من حقوقك كإنسان. لو ما حدش أعطاك الحق ده، أعطه أنت لنفسك.
السعادة مش مكلفة زي ما إحنا متخيلين. السعادة ممكن نلاقيها في حاجات بسيطة ومتاحة. ما تنتظرش لما كل حاجة تبقى تمام عشان تفرّح نفسك وتعيش، لأن ده صعب في معظم الأوقات.
كل إنسان في الدنيا دي عنده حتة وجع، هو بس اللي حاسس بها. البطولة هنا إنك تحاول تهوّنها وتتعايش معاها. قول لنفسك إن أكيد فيه حاجة حلوة ممكن أعيش عشانها، أو لحظة حلوة ممكن أعيشها في يوم من الأيام.
حياتك قرارك.
وزي ما قال عمنا جاهين:
«يأسك وصبرك بين إيديك وإنت حر
تصبر ما تصبر الحياة راح تمر»