حنان شاهين – شاعرة من مصر
يا بنا وسع فتحة الشباك
خليني أطل على السما الواسعة
جسمي هنا محبوس
وروحي هناك طالعة
تخبط ع السما السابعة
يا بنا شيل السقف من ع البيت
أنا لسه هاحكي للنجوم حواديت
إبني لي صرح
أطلع اشوف النور
يا بنا ليه بتعلّي سور ورا سور
دا أنا قبل ما يلجموني كنت برية
و كنت أنا و الليل جنّي و إنسية
يا بنا هد السقف و الجدران
خليني أرجع بالبراح ليا
#ملف_الهدف_الثقافي #حنان_شاهين #شعر_عامي #مصر #قصيدة #إبداع #براح
Leave a Reply