مسدار ريّا

رامي قسم السيد

هبّالي الدُعاش من الصعيد الغادي
والإبل انتشت.. تمرح في بطن الوادي
باريت السحاب البرقو شال عبّادي
لامن جيت لقيت الظبية واقفة قصادي
بت عربًا عُزاز.. ناس بالكرم معروفة
للجار والبعيد مبذول دوام معروفا
مشكلتي المعقدة إنيّ كل ما أشوفه
زي الكعبة.. أشعر إنيّ داير أطوفه
شرق النيل سكونه وفي قليبي سكونه
حبيت أبو قرون.. شان درّتو المكنونة
قلتلا حنّي ابتسمت وبَرقو سنُونه
ولعت الجمر.. وشوتني بي كانونه
يا شتله نخل من البحر مسقيّة
خلي القمري يرتاح في ضراكي شوية
الخلاني لايج ديمه فوق كرعيه
زي قمر السبوع الضوي ليلنا عشية
فتشو لي مسيد يقدر يطب مجنونة
من شوق ريا والسحر البِشع في عيونه
يا شيخ ود بدر.. شيخ أبو قرون وحسونة
تجمعوا شملي بي ريّا الفدع عرجونة