في رﺛﺎﺀ شاعر الغلابة حِمِّيد

خليفة حسن خليفة

ﻓﻲ الجنة ﺭﺏ ﺍﻟﻌﺎﻟﻤﻴﻦ ﻳﺪﻳﻜﺎ ﻳﺎ..
ﻭﻃﻦ ﺍﻟﻤﺪﺍﻳﻦ ﺍﻟﻔﺎﺿﻠﻪ
ﺳﻜﺎﻧﻮ ﺃﻧﺒﻴﺎﺀ
ﻭﻣﺎ ﻣﺖ ﻳﺎ ﺍﻟﻤﻮﺗﻚ ﻳﺎ ﺍﻟﻤﻮﺗﻚ حياة
ﻟﻘّﻤﺖ ﻋﻤﺮﻙ ﻟﻠﻮﻃﻦ
ﻭﺁﺧﺮ ﺷﺊ ﻟﻘّﻤﺘﻮ الحياة
ﺃﺩﻳﺘﻪ ﺭﻭﺣﻚ ﻟﻠﺴﺤﺎﺏ
ﻳﺴﻘﻲ ﺍﻷﺭﺍﺿﻲ ﺍﻟﻤﻴﺘﻪ ﻣﻦ ﻗِﻞ ﺍﻟﻤﻴﺎﻩ
ﻭﺟﺴﺪﻙ ﺻﺒﺢ ﺟﻮﺯﻳﻦ ﺣﻤﺎﻡ
ﻳﺎ ﺗﺮﻛﺔ ﺍﻟﺼﺎﻟﺤﻴﻦ ﻭﺍﻷﻭﻟﻴﺎﺀ
ﻳﺎ حسرة ﻳﺎ ﺃﺣﺰﺍﻥ ﻣﺪﺩ..
حِمِّيد ﻋﻀﻢ ﺿﻬﺮ ﺍﻟﺒﻠﺪ
ﻳﺎ ﻛﻠﻨﺎ ﻭﻳﺎ ﺃﻱ ﺯﻭﻝ ﻳﺎ ﺯﻭﻝ ﺑﻠﺪ
ﻭﺍﻟﻠﻪ ﻳﻮﻡ ﻓﻘﺪﻙ ﺗﻘﻮﻝ
ﻣﻦ ﺃﻱ ﺑﻴﺖ ﻣﻔﻘﻮﺩ ﻭﻟﺪ
ﺑﻴﻮﺿﺔ ﺍﻷﺣﺰﺍﻥ ﻭﺭﺍﻙ
ﺑﺮﺳﻴﻤﻪ ﻓﻲ ﺟﻮﻓﻨﺎ ﺇﻧﻘﺮﺽ
ﺿﻮ ﺍﻟﻔﺮﻳﻖ.. ﺍﻟﺒﻘﻀﻲ ﻟﻠﻨﺎﺱ ﺍﻟﻐﺮﺽ
ﺍﻟﺒﻔﺘﺶ ﻟﻠﻌﻼﺝ.. ﻗﺒﺎﻝ ﻧﺌﻦ ﻣﻦ ﺍﻟﻤﺮﺽ
ﻭﻳﻮﻡ ﺑﻮﺷﻨﺎ ﻗﺒﺎﻝ ﻣﺎ ﻧﻬﻮﺵ
ﻧﻠﻘﺎﻫﻮ ﺃﻭﻝ ﺯﻭﻝ ﻋﺮﺽ
ﻳﺎ ﻛﺒﻴﺮ ﺍﻝ ﺍﻟﻠﻪ ﻣﺎ ﺃﺩﺍﻫﻢ ﻛﺒﻴﺮ
ﺃﺑﻮ ﺍﻟﻴﺘﺎﻣﻲ ﻭﺃﺑﻮ ﺍﻟﺒﻠﺪ
ﻗﺎﺑﺾ ﻋﻠﻲ ﺟﻤﺮ ﺍﻟﻮﻃﻦ
ﺃﺣﺪ.. ﺃﺣﺪ
ﻣﺎ ﺣﺪﺕ ﻋﻦ ﻫﺬﺍ ﺍﻟﻄﺮﻳﻖ
ﻟﻤﻦ ﻗﺒﺾ ﻭﺩ ﺍﻟﻠﺤﺪ
ﺑﺴﻢ ﺍﻟﺬﻳﻦ ﺗﺤﺒﻬﻢ
ﻭﺍﻟﻔﻴﻚ ﻣﻜﺘﻮﻟﻴﻦ ﻛﻤﺪ
ﺻﺎﺑﺮﻳﻦ ﻭﺃﺑﺪًا ﻣﺎ ﺑﻨﻘﻮﻝ
حِمِّيد ﺭﻗﺪ..
ﻣﻨﻮ ﺍﻟﻌﻮﺽ ﻭﻟﻴﻬﻮ ﺍﻟﻌﻮﺽ
حِمِّيد ﺭﻗﺪ..
ﻭﻧﻀﺮﺏ ﻳﺪﻳﻨﺎ ﻋﻠﻲ ﺑﻌﺾ
حِمِّيد ﺭﻗﺪ..
ﻣﺎ ﺍﻟﺨﻴﺮ ﺑﻴﻤﻜﺚ ﻓﻲ ﺍﻷﺭﺽ
ﻭﻳﻄﻔﺢ ﻋﻠﻲ ﺍﻟﺴﻄﺢ ﺍﻟﺰﺑﺪ
ﻟﻮ ﻏﻴّﺐ ﺍﻟﻤﻮﺕ ﺍﻟﺠﺴﺪ
ﺟﻮﺍﻧﺎ ﻋﺎﻳﺶ ﻟﻸﺑﺪ
ﻳﺎ ﺇﻣﺒﺮﺍﻃﻮﺭ ﻳﺎ ﺭﺋﻴﺲ ﻛﻞ ﺍﻟﻐﻼﺑﻪ ﻭﻳﺎ ﺯﻋﻴﻢ
ﺳﻮﻳﻨﺎ ﻣﻦ ﺇﺳﻤﻚ ﺣِﺮﺯ
ﻟﻲ ﻋﺎﺯﺗﻚ ﻣﻦ ﻛﻞ ﺷﻴﻄﺎﻥ ﺭﺟﻴﻢ
ﻣﻄﻤﻮﺭﺓ ﺍﻟﻤﻨﻲ ﻭﺍﻷﻣﺎﻧﻲ
ﻳﺎ ﺧﺸﻢ ﺑﺎﺏ ﺍﻟﻨﺴﻴﻢ
ﻧﻠﻘﺎﻛﺎ ﻭﻳﻦ ﻧﻘﻌﺪ ﻣﻌﺎﻙ ﻓﻮﻕ ﻋﻨﻘﺮﻳﺐ
ﺗﺤﺖ ﺍﻟﻀﻠﻴﻞ ﺍﻟﺮﺍﻣﻲ ﻧﻴﻢ
ﻭﺭﺣﻠﺖ ﻭﺩّﻋﺖ ﺍﻟﻤﻨﺎﻓﻲ
ﺭﻗﺪﺕ ﻋﺎﻓﻲ
ﺑﻴﻦ ﺣﻨﺎﻳﺎ ﺍﻷﺭﺽ ﻭﺍﻟﻮﻃﻦ ﺍﻟﺮﺣﻴﻢ
ﻭﺧﻠﻴﺖ ﺃﺛﺮ ﺩﺭﺑﻚ ﺿﻴﺎﻙ
ﺯﻱ ﺍﻟﺼﺮﺍﻁ ﺍﻟﻤﺴﺘﻘﻴﻢ
ﻭﻛﻞ ﺍﻟﺮﺟﺎﻝ ﻋﺒﺪ ﺍﻟﺮﺣﻴﻢ
ﻛﻞ ﺍﻟﺤﺮﻳﻢ السرّة ﺑﺖ ﻋﻮﺽ ﺍﻟﻜﺮﻳﻢ
فليبقى ﺳﻔﺮﻙ ﻳﺎ ﺻﻤﻴﻢ
ﺍﻟﺮﺟﻌﻪ ﻟﻠﺒﻴﺖ ﺍﻟﻘﺪﻳﻢ
ﺧﺒﺮﻙ ﺗﺼﻴﺤﺒﻮﺍ ﺍﻟﻬﺒﻮﺏ
ﺭﻳﺢ ﺍﻟﺸﻤﺎﻝ ﺭﻳﺢ ﺍﻟﺠﻨﻮﺏ
ﻭﻳﻦ ﺍﻟﻠﻪ ﻣﺎ ﺭﻓﻊ ﺍﻟﻘﺪﻡ
ﺣﻴﻦ ﺗﺮﻓﻊ ﺍﻟﻔﺎﺗﺤﻪ ﺍﻟﻘﻠﻮﺏ
ﻳﻤﻸ ﺍﻟﺪﻣﻊ حتى ﺍﻟﺠﻴﻮﺏ
ﺭﺏ ﺍﻟﻌﺒﺎﺩ ﻣﻮﻻﻧﺎ
ﺃﺭﺣﻢ ﻣﻦ ﺭﺣﻢ
ﺑﻨﺎﺕ ﻧﻌﺶ ﻧﺠﻢ ﺍﻟﺜﺮﻳﺎ
ﺇﺗﺤﺖ ﻓﻲ ﺻﻴﻮﺍﻥ ﻋﺰﺍﻙ ﺯﻱ ﺍﻟﺒﺮﻡ
ﺍﻟﻘﺮﺷﻲ ﻭﺃﻟﻤﺎﻅ ﺍﻟﻬﻤﺎﻡ
ﻭﺃﻱ ﻓﺎﺭﺱ
عنوه ﻓﻲ ﺍﻟﺘﺎﺭﻳﺦ ﺑﺼﻢ
ﺍﻟﻜﻞ ﺣﻀﻮﺭ ﻟﻠﻬﺪﻫﺪ ﺍﻟﺠﺎﺏ ﺍﻟﻨﺒﺄ
ﻭﻟﻲ ﺣﻤﺎﻣﺎﺕ.. ﺍﻟﺤﺮﻡ
ﺗﺮﻫﺎﻗﺎ ﺣﺎﻟﻒ ﺑﺎﻟﻴﻤﻴﻦ
ﻗﺪﺭ ﻣﻘﺎﻣﻚ ﻳﺎ ﻋﻠﻢ
ﻟﻴﻚ ﻳﺒﻨﻲ ﻓﻲ ﻧﻮﺭﻱ ﺍﻟﺠﺮﻳﻒ
ﺭﻳﻘﺎﻥ ﻃﺮﺍﺑﻴﻞ ﺟﻢ.. ﺟﻢ
ﺷﺎﻭﻳﺶ ﻣﻌﺎﻫﻮ ﺍﻟﻤﻚ ﺻﺒﻴﺮ
ﻻ حسرة ﻓﻮﻗﻦ.. ﻻ ﻧﺪﻡ
ﻭﻣمهيرة ﻭﺍﻗﻔﻲ ﺗﻌﺰّﻱ ﻓﻴﻚ
ﺩﻭﺑﺎﻱ ﻏﻨﺎﻭﻳﻚ ﺣﺎﻓﻈاهو ﺻﻢ
ﻛﺎﻧﺖ ﺗﻨﻬّﺮ ﻓﻲ ﺣﺮﻳﻢ
ﻛﻮﻡ ﺍﻟﺮﻣﺎﺩ ﺧﻤﻨّﻮ ﺧﻢ
ﻭﻛﺮﺟﺖ ﺳﻨﻮﻧﻪ ﻋﻠﻲ ﺭﺟﺎﻝ
ﻟﻄﻤﻮﺍ ﺍﻟﺨﺪﻭﺩ
ﻭﺍﻟﺪﻣﻌﻪ ﺩﻡ
ﻭﻧﻘﺮﺕ ﺑﺸﻴﺸﻲ ﻋﻠﻲ ﺷﺘﻢ
ﻭﻳﺪﻳﻬﺎ ﻣﻠﻴﺎﻧﺎﺕ ﺧﺘﻢ
ﻭﺍﻟﻤﻮﺝ ﻳﺼﻔﻖ ﻭﺍﻟﻨﺨﻴﻞ
ﺑﻲ عزة ﻣﺎﺩ ﻟﻴﻚ ﻭﺇﻧﻘﺴﻢ
حِمِّيدﻧﺎ ﻳﺎ ﺍﻟﺤﺠﺮ ﺍﻷﺻﻢ
ﻏﻨﺎﻙ ﺣﺎﺣﺎﻳﺔ ﺍﻟﺼﻘﻮﺭ
ﻣﺎﺭﻛﺎ ﻓﻮﻕ ﺣﻴﻄﻚ ﺭﺧﻢ
ﻳﺎ ﻋﺸﺎ ﺍﻟﻀﻴﻔﺎﻥ
ﻭﺭﻭﺍﺏ ﺍﻟﻌﺸﻢ
ﺍﻟﺒﺮﻛﻞ ﺍﻟﺸﺎﻣﺦ ﻳﺸﺎﺑﻲ
ﺍﻟﻘﻮﻣﻪ ﻟﻴﻚ ﻳﺎ ﻣﺤﺘﺮﻡ
ﻓﻜﻴﺖ ﻛﺘﻴﺮ ﺭﻳﻘﺔ ﺍﻟﻮﻃﻦ
ﻭﺩﺭﺕ ﻛﻢ ﻗﺮﻣﻪ ﻭﺧﺮﻡ
ﻳﺎ ﺣﺒﻠﻨﺎ ﺍﻟﺴﺮﻱ ﺍﻟﺒﺒﺦ
ﻓﻲ ﺍﻟﺠﻮﻑ.. ﻧﻐﻢ
ﺣﺐ ﺍﻷﺭﺽ ﻋﺸﻖ ﺍﻷﺭﺽ
ﻳﺸﻔﻲ ﻳﺪﺍﻭﻱ ﻣﻦ ﺃﻱ ﻫﻢ
ﻳﺎ ﺣﺒّﻨﺎ.. ﻳﺎ ﻃﺒّﻨﺎ
ﻳﺎ ﺩﻭﺡ ﻗﻠﻮﺑﻨﺎ ﻭﺑﻠﺴﻤﺎ
ﺯﺭﻗﺎﺀ ﻳﻤﺎﻣﺘﻨﺎ ﺍﻟﺘﻌﺎﻳﻦ
ﻣﻦ ﺑﻌﻴﺪ ﺣﻴﻦ ﺃﺻﺎﺏ
ﺷﻮﻗﻨﺎ ﺍﻟﻌﻤﻲ
ﺟﺒّﺎﺭ ﺧﻮﺍﻃﺮﻧﺎ ﻭﻣﺸﺎﻋﺮﻧﺎ
ﺍﻟﻤﺠﺮﺣﻪ.. ﺩﻳﻤﻪ
ﺇﻳﺎﻙ ﺑﺮﻫﺎ
ﻳﺎﺗﻮ ﺑﺤﺮ ﻋﺮﻗﻮ.. ﺣﺎﻣﻲ
ﺟﺰﻳﺮﺗﻮ ﻣﺎ ﺟﻴﺖ ﺣﺎﺯﻣﻪ
ﺗﺮﺑﺎﻝ ﺯﺭﻋﺖ ﻗﻠﻮﺑﻨﺎ ﺣﺐ
ﺷﺘﻠﻚ ﻗﺒﺾ ﻭﺍﻟﻀﻞ ﺭﻣﻲ
حِمِّيدﻧﺎ ﻳﺎ حِمِّيدﻧﺎ ﺳﻲ
ﻭﺭﻳﺘﻨﺎ معنى ﺍﻹﻧﺘﻤﺎﺀ
ﻳﻐﺴﻠﻚ ﺍﻟﻠﻪ ﻣﻦ ﻛﻞ ﺳﺊ
ﻳﺎ ﺍﻟﺒﻴﻚ ﻗﻠﻮﺑﻨﺎ ﻣﺘﻴﻤﻪ
ﻭﻃﻨﺂ ﻳﻜﻮﻥ ﻣﺎ ﺯﻳﻮ ﺯﻱ
ﻓﻲ ﺳﺒﻴﻠﻮ ﺭﻭﺣﻚ ﺳﺎﻳﻤﻪ
ﻳﻌﺮﺽ ﺻﺒﻴﻬﻮ ﻣﻊ ﺍﻟﻨﻘﻲ
ﺑﺪﻝ ﺍﻟﻜﻼﺵ ﻭﺍﻟﺮﺍﺟﻤﻪ
ﺍﻟﻀﺒﻌﻪ ﺳﺎﺭﺣﻪ ﻣﻊ ﺍﻟﺠﺪﻱ
ﻳﺮﻭﻭﻥ ﺻﺤﺎﺭﻱ ﺑﻌﺪ ﻇﻤﺄ
ﻓﺮﺥ ﺍﻟﻘﻤﺎﺭﻱ ﻣﻊ ﺍﻟﺤﺪﻱ
ﻭﻓﻴﺾ ﺍﻷﻣﺎﻧﻲ ﺍﻟﺤﺎﻟﻤﻪ
العبرة ﺷﻘّﺖ عازة ﻃﻖ
ﺃﻃﺮﺡ ﻭﺷﻴﻜﺎ ﻭﻧﺎﻏﻤﻪ
ﺍﻷﺑﻴﺾ ﺍﻷﺯﺭﻕ ﺩﻣﻮﻉ
ﺣﺮﻗﺖ ﺧﺪﻭﺩ ﺍﻟﻌﺎﺻﻤﻪ
ﻳﺎ ﻏﻔﻴﺮاً ﻭﻛﺖ ﺗﻨﻮﻡ
ﻣﻦ ﺃﻱ ﻫﻢ ﻣﺎ ﻳﻨﻬﻤﺎ
ﻣﺎ ﻫﻤﺖ ﻏﻴﺮ ﺑﻲ ﻫﺎ ﺍﻟﻮﻃﻦ
ﺣﺒﻚ ﻳﻔﻮﻕ ﺃﺭﺽ ﻭﺳﻤﺎ
ﻭﺭﺣﻠﺖ ﻗﺒّﺎﻝ ﺍﻷﻭﺍﻥ
ﻳﺎﺩﻭﺑﻮ ﻋﺮﻕ ﺍﻟﺤﺐ ﻧﻤﺎ
ﻭﻗﻔﺖ ﻋﻠﻲ ﻃﻮﻻ ﺍﻷﺭﺽ
ﻭﺃﺩﺍﻛﺎ ﺗﻌﻈﻴﻢ ﺍﻟﺴﻤﺎ
ﻭﺣﺒﻚ ﺻﺒﺢ ﻟﻠﻨﺎﺱ ﻓﺮﺽ
ﻭﺍﻟﻨﻴﻞ ﻓﻲ ﺣﻀﻨﻚ ﺇﺭﺗﻤﻲ
ﻳﺎ ﺍﻟﻌﺸﺘﺎ ﺑﻴﻨﺎ ﻭﻧﺤﻨﺎ ﻓﻲ
ﻭﻣﺎ ﻛﻨﺎ ﻓﻲ
ﻳﻮﻡ ﻗﻠﺖ ﺣﻲ ﻋﻠﻲ ﺍﻟﻜﻔﺎﺡ
ﺷﻼﻝ ﺩﻣﺎﻛﺎ ﻋﻠﻲ ﺍﻷﺭﺽ
ﺑﺎﻛﺮ ﻳﻔﺮﻫﺪ ﻭﻧﺤﻨﺎ ﻓﻲ
ﻭﻟﺴﻊ ﻧﺼﺎﺡ
ﻭﺃﻓﻜﺎﺭﻙ ﺇﻧﺖ ﺑﻠﺪ ﺑﻠﺪ
ﻣﺨﺘﻮﺗﻪ ﻓﻮﻕ ﻛﺘﻒ ﺍﻟﺮﻳﺎﺡ
ﺗﺠﻲ ﻃﺎﻟﻊ ﺇﻧﺖ ﻣﻦ ﺍﻟﺒﺬﻭﺭ
ﻛﻮﻥ ﻣﻦ ﺳﻤﺎﺡ
ﺗﻮﺯﻥ ﻛﻤﻨﺠﺎﺕ ﺍﻟﻄﻴﻮﺭ
ﺗﻌﺰﻓﻚ ﻏﻨﺎﻙ ﺑﻲ ﺇﺭﺗﻴﺎﺡ
ﺗﻔﻮﺡ ﺃﺭﻳﺤﻴﺘﻚ ﺯﻫﻮﺭ
ﻣﻮﺩﺓ ﺭﻳﺪ ﻭﺣﻨﺎﻥ ﻭﺣﺐ
ﻳﺸﻔﻲ ﺍﻟﺠﺮﺍﺡ
ﻭﺗﻈﻞ ﺣﻀﻮﺭ ﻋﺰ ﺍﻟﻐﻴﺎﺏ
ﺷﻤﺴﺂ ﺗﻄﻞ ﻓﻲ ﻛﻞ ﺻﺒﺎﺡ
إرادة ﻟﻲ ﻛﻞ ﺍﻟﺸﻌﻮﺏ
ﺗﻬﺐ ﻣﺘﻞ ﺭﻳﺢ ﺍﻟﺼﻼﺡ
ﻭﻳﻬﺪﻝ ﺣﻤﺎﻣﻚ ﻓﻲ ﺃﻣﺎﻥ
ﻭﺍﻟﻜﻞ ﻳﻘﻮﻝ
أرضًا ﺳﻼﺡ.. أرضًا ﺳﻼﺡ

#ملف_الهدف_الثقافي #محمد_الحسن_سالم_حميد #الذكرى_14 #خليفة_حسن_خليفة #رثاء_حميد #عضم_ضهر_البلد #إمبراطور_الغابة #أرضا_سلاح #نوري_الجريف #ترهاقا_ومهيرة #شعر_العامية #السودان #البركل_الشامخ #نبي_الغلابة #حرز_عازة #العودة_للبيت_القديم #بلسم_الجراح #وطن_المدائن_الفاضلة #نخل_السودان #حميد_الخالد