✵ طبعا يوم الجمعة انطلقت اكتر من 56 مظاهرة وفي ناس كتيرة م اتوقعوا تطلع مظاهرة الليلة بس برضو تم شغل سمح وفي مناطق كتيرة طلعت ….
✵ من الصباح نفذ تجمع مهندسي جامعة الخرطوم وقفة احتجاجية واختارو ليها مكان مناسب جدا (المنطقة الصناعية الخرطوم) شارك معاهم فيها عشرات المواطنين في المنطقة
✵ في استاد المريخ انطلق هتاف حرية سلام وعدالة وتسقط بس بكثافة قبل نهاية المباراة وتم رفع لافتة ترحموا فيها علي شهداء الوطن …..
✵ بعد المبارة حاولت الجماهير الهتاف ولكن الحشود الامنية التي رابطت امام بوابات الخروج حالت دون ذلك …
✵ #ودنوباوي خرحت مظاهرة ليلية قوية وقام الشباب باغلاق الشوارع والهتاف بالحرية ….
✵ #الختمية خرج مواطنيها لليوم التاني علي التوالي وهتفوا باسقاط النظام …
✵ تحضيرات لموكب يوم بكرة…
✵ #شفاتة الكلاكلة كالعادة نفذو وردية ليل سمحة جدا ومسكو زمن بالرباطة لوقت متاخر في عمليات كر وفر …
✵ #العزوزاب طلعوا في مظاهرة ليلية قوية شارك فيها اغلب سكان الحي وهتفوا باسقاط النظام ….
✵ #الازهري شهدت مظاهرة ليل قوية وحرق لساتك واغلاق الشوارع ورفعوا علم السودان وهتفوا بسقوط النظام …
✵ #سوبا غرب عملو وردية ليل ضخمة بتنسيق عالي وتامين قوي (ولعوا لستك وقفلوا الشارع) …
✵ #ابوآدم الاسم الذي تردد كثيرا في المظاهرات الليلة عادو اليوم بمظاهرة ليلية كبيرة وهتفوا باسقاط النظام ..
✵ السودانيين بامريكا اتجمعوا من كل الولايات وعملو مظاهرة ضخمة امام مبني الكونغرس هتفوا فيها بشعارات الثورة ورفعوا علم السودان عاليا ….
✵ موكب بكرة في بحري الساعة 1 ظهرا يحمل اسم (وفاء للشهداء) عشان كدا التجهيزات كانت صور الشهداء وقالوا الهتاف حايكون (يانجيب حقهم يانموت زييهم) ….
