كوثر حسن
#ملف_الهدف_الثقافي
عدت ليك يا أحلى حب
حاساه شوق في دنيتي
ورجعت ليك شايله العذاب..
ملّيت هموم في وحدتي
ومشيت سنين الهم براي
عاوزاك أنيس لي فرحتي..
الحسره بيك انساها جد
شان نبني ما كان إنهدم
والريد معاك ما ليهو حد
جاياك أعاهدك يانغم
ما أظن يبقالي يد
من غير هواك أجني العدم
ويا ريتو دربي يكون زهور
والود معاك يبقالو نور
والدنيا تفرح يوم لقاك
لو بالوداد نعبر بحور
لا بد للأيام تدور
Leave a Reply