بقلم: هيثم علي الشفيع
#ملف_الهدف_الثقافي
(أندروس…. أندروس منعش فوّار يريح المعدة ..ليل ونهار يخلي المعدة مافي حموضة دايمًا منعش منعش فوااااااااااار أندروس).
طبعًا… جيل الديجيتال والبلاي ستيشن والـ AI ما فاهم أي حاجة في الكلام الفوق ده. وأكيد الديناصورات والجماعة اللي بيقولوا للدكان (كنتين) دخلوا في الصورة منننننننن حرف الألف بعد القوس. المهم… ليه الناس الأكبر مننا ما كانوا بيصححوا لينا لما نقرأ في الدعايات وعبوات البضائع كلمة (Limited)؟
ليه كانوا بيخلونا نقرأها: ل…يمتد ونكون فاكرين إنه ده نوع من الطموح لصاحب الشركة وإنه عاوز أعماله (تمتد) و (تتمدد)؟؟؟؟
بالغوا معانا والله
الفقرة برعاية (ملح أندروس الفوّار) لمعالجة الحموضة وأي اضطرابات في المعدة واللي كنت بخاف من الرغوة بتاعته تخش لي في نخرتي.
Leave a Reply