العرق دساس

بقلم: عبير مصطفى

يا جماعة اسمعوها مني، شفتوا كلمة العرق دساس ما قالوها ساي ترا، والله العظيم جد. يمكن عندهم الكضاب والكسلان، يمكن عندهم المسلطة الناهرة، يمكن عندهم المهزوم، يمكن عندهم البخيل، يمكن عندهم النرجسي، يمكن عندهم الما مسؤول، يمكن عندهم الحسود والقاسي، يمكن عندهم الغدار، يمكن عندهم الشرير أي الشرير، يمكن عندهم المسكين، يمكن عندهم الحرامي، يمكن عندهم كتال الكتلة، يمكن عندهم شاهد الزور، يمكن عندهم الفتانة الشرباكة الغيورة، يمكن عندهم بتاعة السحر والدجل والشعوذة، يمكن عندهم الجاهل، يمكن عندهم الما بخاف الله.

لأنو الإنسان قيمته الحقيقية بتتمثل في إنسانيته وأدبه وأخلاقه وتعامله مع الناس، غير كدا كل شيء عبارة عن قيمة زائفة.

هوي النفس دي ترا عزيزة وكريمة وغالية، فتشوا هسي محركات البحث دي اتعملت لي موش عشان تقلل علينا إرهاق وتعب الحياة، لحدي ما اتطورت وبقت ذكاء اصطناعي عديل صاح. طيب البمنعك/ة انتوا تفتشوا وتسألوا شنو؟ القمر بغيب ترا يموت يعرس يروح يشرد يهرب يدبل يطش شبكة، ونفس الشيء مع القمر المؤنث تطلقه تموت تهرب تفتر منكم ومن مسؤولياتكم. لكن بفضلوا النجوم ياهم ناس خالي وخالك، عمي وعمك، أمي وأمك، نسابتي ونسابتك، وديل عرق عيالك لحم ودم وعضم. عشان كدا من البداية اعملوا عملية بحث كاملة عن المحبوبة وختوا عليها دبلتكم وبس.