ريم البدوي
لَمَّا الظَّلَامْ أَغْمَرْ عُيُونَا
وَتَبْتَدِي اللَّحَظَاتْ تْخُونَا
نَهْدِي سِرَّنَا بِالقِرَايَة
جُمْلَة اتْبَدَّدْ سُكُونَا
نَنْهَضْ نْشَمِّرْ لِلْخَوَادَة
الدَّرْبْ عَمْيَانْ أَقُودْنَا
سِنَة سِنَة نْعَبِّي زَادْنَا
جُرْعَة مِنْ كَاسَاتْ عُبُورْنَا
وَلِيكِي نَقْدُلْ يَا بَلَدْنَا
نْسَلِّمِكْ دَفْتَرْ حُضُورْنَا
نْسَمِّعِكْ إِنْشَادْ عُمُرْنَا
مَزِّيكَة الدُّنْيَا وَفْتُونَا
نَلْفِظْ الآهَاتْ أَغَانِي
نْدَاوِي كُلّ قَرْحَاتْ صُدُورْنَا
وَلَوْ كَمَانْ نِلْنَا الشَّهَادَة
أَبْقَى مَبْرُوكْ تَاجْ قُبُورْنَا
مَنَصَّة الزُّولْ المُتَاكَا
مَرَّة يَاكُلْ وَمَرَّة أَقْضُفْ
حَافِي مُتَوَسِّدْ حَرَاكَا
تُورْجِيهْ وَسَرْتِيهْ
قِصَّة الدَّمّ وَالحِيَاكَا
قَعْدَة الحِنَّة وَعُزُوفُه
صَمَّة اللِّيدْ وَانْبِسَاطُه
جُرْحْ أَعْمَقْ مِنْ حُدُوثُو
لَكْمَة تَتْبَجَّحْ مَدَاكْ
لَمَّا الظَّلَامْ أَغْمَرْ شَبَابِكْ
وَاتْطَاوَلْ الرَّصَاصْ مَقَامِكْ
تَسْمُو فِي جَنَّاتْ وَعِزَّة
وَاحْنَا تَلْهَبْ فِينَا نَارَكْ

Leave a Reply