بت تجنن

محمد نجيب محمد علي

بتجنّن
تسرقك منك، تشيلك، تجدعك فوق للسحاب..
تقلب الدنيا وتخلّيك لا هناك ولا هناك.. ولا هناك..
تكون معلّق بين حضورك والغياب..

بت وحيدة، فريدة، جاية من الطشاش الفينا،
من غبش الحيا.. ولون المتاهات والعذاب..

بت كتاب..
تقرأهو من آخرو، وتفتّش لي بداياتو،
وتتوه، تغرق وسط موج السراب..

بت رجّع ليك عمرك تاني من أول،
وترجع تاني من أول شباب..

 

 

#ملف_الهدف_الثقافي #ثقافي_الهدف_105 #شعر_سوداني #محمد_نجيب_محمد_علي #أدب #قصيدة