درويش هواك

سارة منوفلي

قولنالك زمان في درب العشق لا تمشي،منو الشاورني وقتين قلبي قالها: خُشّي؟

ومن طرفي،الطرف آخر طرف توبة،بقيت درويش هواك،شايل سبحة ونوبة.

أكان حبك ذنب،ما أظني ألقى التوبة،ومن رمشك رمش،صبح القلب راكوبة.

قولته فارقتو الهموم بالمرة،أكان ترويني أنا العطشان،سقاك فد مرة.

خلاص من قيد هواك أمرق وأفِرّ فد فِرّة،أتاريك القلب شايلهو خيط في صُرّة.

بكت عيني وقت أطراك،
يا الجوايا، وسرك شايلو في البيرالعميق تلايا.

وفي شارع الله تلقاني أتلفت ورايا،أكان طيفك خيال،سويتي، غايتو، حكاية.

يا السر الجهرتبو في عينيا،
كان قالوا القمر… والله لا، لا شوية،
من قايل براي مجنون…لقيت، يا السمحة، جنون المية.