قومي من بدري

كلمات الشاعر: إسحق الحلنقي
غناء:  أبو عركي البخيت

قومي من بدري ودعي الخدري
العمل ناداك زي ندا الفجر كله نور وامل
سايري النهضة وأدخلي المصنع
وفرة الأنتاج بيكي تتوزع
لو تكاتفنا وكل زول أبدع
بكرة بنصدر للبلاد أجمع
من ذرة وسمسم زارعا خيراتنا
والقطن نجني فخر ثرواتنا
زي بياض لونه حلوة اوقاتنا
وبره في الخارج زاد صداقاتنا
أسأل المجروح وأسال المستور
تلقي ليلي هناك زي ملاك مسحور
ساهرة بتضمد وتجبر المكسور
كالأمل باسمة زي شعاع النور
جابت السودان بين جنوب وشمال
وبالعلم ضوت لي طريق أجيال
وفي المدارس كم علمت أطفال
هم ذخيرتنا وأجمل الآمال
أنتي في المكتب منظرك يعجب
ومن كفاءتنا حايزة أعلى نصيب
بين أيديك آية كلما تكتب
ترسل انغاما صوتها لي يطرب
في رحاب الفن كم شدت غانية
ومن رياض الحب جات قطوف دانية
حركت كامن في قلوب حانية
وترجمت أحساس في عيون رانبة