ما عندنا فيهم أمل

مهادن الزعيم

#آراء_حرة

يُحكى إنو في حـ.ـرامية نهـ.ـبوا مبلغ 20 مليار من بنك وهربوا، أها نائب مدير الفرع اتصل على المدير وقال ليهو البنك اتـ.ـنهب وأنا ح اتصل أبلغ، المدير قال ليهو اوعك تتصل انتظرني لمن أجيك. أها المدير لمن وصل قال للنائب (الناس ديل سرقوا كم؟) قال ليهو (20 مليار) قال المدير (تمام جدا ونحن أصلا عندنا عجز حوالي 15 مليار يبقوا كم؟) النائب نطط عيونو، وأضاف المدير (ديل كدا 35 مليار صح؟ يلا طلع دهب من الخزنة التحت بي 20 مليار يبقى المجموع 55 مليار) نائب المدير لسة مندهش وما فاهم حاجة، ف رد المدير (يلا بعد دا بلغ البوليس وقول ليهم البنك اتنـ.ـهبت منو 55 مليار وبكدا نكون غطينا على اختـ.ـلاسنا الفات وطلعنا شوية مصاريف مشينا بيها حالنا وكلو فوق ضهر الحـ.ـرامية).

القصة دي بتنطبق على القائمة الطلعت بحظر حسابات 39 شخص، ف شكلو واحد من الجماعة إياهم اتصل علي أخوهو وقال ليهو (القائمة طلعت ولا لسة؟) رد التاني (اللي جهزناها وفيها أسماء أي زول داعم تأسيس؛ حجر وإدريس وود المرغني وبرمة ناصر وعبد الباري وصندل وبقال والربيع) فكان رد الأول (ضيف ليهم ناس صمود ونقول عليهم ذراع سياسي للمـ.ـليشيا عشان نغطي على كذبنا الفات وما نطلع روحنا كضـ.ـابين) رد التاني (تمام يا ريس خلاص ح نقفل على كدا) قال الأول (لالالا.. ما تقفل أخوانا الفوق قالو ليك ضيف اسم السنهوري ووجدي) (لكن يا ريس ديل لا صمود لاتقدم لا تأسيس ولا حتى كانوا داعمين للإطاري، نضيفهم بياتو صفة؟) قال الأول: (يازول ما تسأل والله العملو فينا وجدي دا حميدتي ما عملوا فينا، وبعدين ما في زول بركز مع الحاجة دي ولا في زول عندو النية يفتش عشان يعرف المعلومة الحقيقية) قال الثاني: (لكن ياريس الدعـ.ـامة الكبار ما نزلنا اسمائهم في القائمة ليه؟) رد الريس: (ديل عندنا فيهم أمل يرجعوا في أي وقت وحا نقول عليهم ساموراي، لكن ناس الثورة ديل هم البطلعو روحنا ف أحسن نصـ.ـفي معاهم حسابنا من هسع في الجوطة دي)… عجبي

الله غالب