الصادق سمل
أنا داير وطن
يفهمني صاح …
وطنًا عساكروا
تفش غباينها في العدو
وجُوّا الوطن
أرضًا سلاح …
داير وطن
يشفي الجراح …
وطنًا قصصوا في مسارح
ما في مشارح
وفي الوِليد القام مسالم
ودموا ساح …
أنا داير وطن
يِساوِينا صاح …
مهما كان الزول مخالف
ما تاح تراح
الله قال لا إكراه في دينوا
ولما تقوم قيامتو
هو البيعرف منو الفينا صاح …
أنا داير وطن
يبنينا صاح
ونبنيهوا صاح …
أنا داير وطن
يفهمني صاح …
ودايروا يعرف
إنيّ كتير بحبوا
ولو ما أداني غير هادي الجراح …