سؤال للشيخ حسن نصرالله

سؤال للشيخ حسن نصرالله

بقلم/علي المرعبي

بعيدا عن أسلوب التهديد و الوعيد الذي لن يثمر عن شئ نظرا لخصوصية لبنان .. ممكن ان تعطينا تعريفك ل “المقاومة” التي تقول انك و حزب الله تمثلها؟؟؟!!!

تعريف مبسط وواضح حتى نعرف ذلك ..

يعني اذا كانت “مقاومة لبنانية” .. دخلك ليش ما عم تحرروا باقي الأراضي اللبنانية او على الاقل الاستهداف الدائم لقوى الاحتلال الصهيوني داخل الأراضي اللبنانية !!!!

اذا كانت مقاومة من أجل فلسطين ما شفنا شئ مشانها. ؟؟ يعني زمان ايام المقاومة الفلسطينية و الحركة الوطنية اللبنانية كانت العمليات داخل فلسطين المحتلة لا تتوقف .. دخلك ما سمعنا عن مقاوم من حزب الله استشهد داخل فلسطين !!!!

إذا كانت مقاومة ضد “الشيطان الاكبر” .. هيدا الشيطان هو اللي سمح لك بالتدخل الواسع في سوريا ضد ثورة الشعب السوري.. و هو اللي تركك تتدخل في اليمن و العراق و البحرين و الكويت .. و لو ما سمح لك ما كنت قادر تدخل مئة متر داخل الأراضي السورية ..

على فكرة يا شيخ نصرالله .. الغرب و تحديدا “الشيطان الاكبر” حتى اليوم ما قبلوا يعطوا تعريف للإرهاب.. حتى يستخدموه كما يحبوا ..

يعني ما عدنا عارفين شو هي المقاومة عندك .. و لا شو هو الإرهاب عند “الشيطان الاكبر” !!!!!

لاقوا لنا حل حتى نعرف

Be the first to comment

Leave a Reply

Your email address will not be published.