شعر: سارة منوفلي
#ملف_المرأة_والمجتمع
مايهمك
امشى واصل
البهمنا يبقى بيناتنا التواصل
يا حبيبنا
القلب شايلك معاهو
وين تروح
والخيال لو لحظة فاتك
يبقى روحى خلاص تروح
والعيون لو ما بتشوفك
يبنى فينى الهم صروح
وانت يادنياى وعمري
ويا دوا كل الجروح
يا حبيبي
اصلوا ما تشغل بي بالك
المهم انك سعيد ..وشايفو حالك
والعذاب لو ليا مكتوب
بس اشيلو براي عشانك
وما بتوب
يا فرح بكانى شوقو
لوعة من تحنان تسوقو
باين الريد فى عروقو
ان شاء الله حزنا ما تضوقو
وما يهمك
ابقى عاارف انى صابر
حتى لو قدرك تفارق
والبريد لازم يعانى
من لهيب الريدو حارق
ولو على …خليكا واثق
يا حبيبي
شفت كيف الدنيا بيكا
ازدهارا واخضرارا و ابتسامتا
فى عينيك
وشفت كيف الدنيا دونك
كل قواسيها ومرارا
واى حاجة بلا ملامح
يا حبيبي تحن اليكا
اسكندرية
6 أغسطس 2025 م
Leave a Reply